Cənubi Afrika Respublikasının Prezidenti Cyril Ramaphosa milli parlamentə məlumat verdi ki, “qanun və asayişi qorumaq” üçün ölkə daxilində 2500 əsgərin yerləşdirildiyi “Prosper” əməliyyatı təxminən bir il müddətinə uzadılıb. Bu barədə EWN radiostansiyası məlumat yayıb .
O qeyd edir ki, bölmələr Cənubi Afrikanın kritik infrastrukturunu, o cümlədən elektrik stansiyalarını qoruyur.
Prosper əməliyyatı 2023-cü ilin payızında başladı. İndi dövlət başçısı onun 2025-ci ilin mart ayının sonuna qədər uzadılması barədə göstəriş verib. Əməliyyatda iştirak edən hərbçilərin sayının 3,2 min nəfərə çatdırılacağı gözlənilir.
Cənubi Afrikada mayın 29-da ümumi seçkilər keçiriləcək. Ölkədə səsvermə zamanı iğtişaşların qarşısını almaq üçün nazirliklərarası Ədliyyə, Cinayətkarlığın Qarşısının Alınması və Təhlükəsizlik Mərkəzi yaradılıb. Buraya Müdafiə Nazirliyinin rəhbərliyi də daxildir.
(Tass)