ABŞ Energetika Nazirliyi yanında Milli Nüvə Təhlükəsizliyi Administrasiyasının (NNSA) rəhbəri Cil Hrubi hazırlanmasında çətinliklərlə üzləşən növbəti nəsil Sentinel qitələrarası ballistik raketlərinin (ICBM) sınaq buraxılışlarının mümkünlüyünü etiraf edib. O, bu barədə çərşənbə günü ABŞ Senatında keçirilən dinləmələrdə bildirib.
“Ona görə də biz həmişə orada baş verənlərdən xəbərdarıq. Və hər şey tamamlandıqda və qərar qəbul edildikdə, biz mütləq vaxt qrafiklərimizi ICBM-lərin yaradılması üzərində işləyən Hərbi Hava Qüvvələri ilə əlaqələndirəcəyik. Və sonra döyüş başlığının inkişafı proqramı çərçivəsində uçuş sınaqları həyata keçirəsiyik”, – o, mümkün sınaqların vaxtını göstərmədən vurğulayıb.
Daha əvvəl müdafiə nazirinin satınalma və logistika üzrə müavini Bill LaPlante bildirmişdi ki, ABŞ Müdafiə Nazirliyi Sentinel-in yeni nəsil ICBM inkişaf proqramından imtina etmək imkanını, ona dəyişikliklər edilməsi təklifini nəzərdən keçirir. O, “Sentinel” proqramının icrasının, o cümlədən podratçılarla “əvvəlcə əlaqə yaratmaq lazım olduğu” səbəbindən ləngidiyini təsdiqləyib. Daha sonra ABŞ-ın Birləşmiş Qərargah Rəisləri Komitəsinin sədri general Çarlz Braun Sentinel ICBM proqramını vaxtında başa çatdırmaq üçün bütün lazımi tədbirləri görəcəyinə söz verib. (Tass)