Misir hazırda bütün strateji cəbhələrdə onun milli təhlükəsizliyini təhdid edən çağırışlarla üzləşir. Bu fikri Misirin müdafiə və hərbi sənaye naziri, general Məhəmməd Əhməd Zəki deyib.
Misirin İkinci Səhra Ordusunun təlimləri zamanı çıxış edən Zəki “Hazırda bütün strateji istiqamətlərdə ölkənin milli təhlükəsizliyini təhdid edən görünməmiş çağırışlara qarşı mübarizədə göstərdikləri səylərə” görə hərbçilərə minnətdarlığını bildirib. “Əl-Youm əs-Sabia” xəbər portalının sitat gətirdiyi onun sözlərinə görə, “Misir silahlı qüvvələri istənilən təhdidlərə tab gətirməyə və onların qarşısında duran istənilən vəzifəni yerinə yetirməyə qadirdir”.
Misirlə həmsərhəd Qəzza zolağında vəziyyətə toxunan müdafiə naziri qeyd edib ki, “Misir dövləti Fələstin məsələsinə dəstək verməkdə həmişə təsirli rol oynayıb”. “Mövcud vəziyyət [Qəzza zolağında və ətrafındakı] Misir tərəfindən son dərəcə müdrikliklə, iki müstəqil dövlətin, İsrail və Fələstin dövlətinin yaradılması yolu ilə həll yoluna nail olmaq istəklərini dəstəkləyəcək şəkildə nəzərdən keçirilir Zəki əlavə edib. (Tass)