Xalq Azadlıq Ordusunun (PLA) Şərq Döyüş Komandanlığı Tayvana raket hücumunun 3D animasiyasını yayımlayıb. Bu barədə Tayvanın “ Zhongtian Xinwenwan ” informasiya portalı məlumat yayıb .
Video regional komandanlığın Weibo sosial şəbəkəsindəki rəsmi hesabında yerləşdirilib. Videoda PHL-03 çoxsaylı buraxılış raket sistemləri, DF-16 yerüstü mobil qısa mənzilli raket sistemləri, H-6 strateji bombardmançı təyyarələr, qırıcı təyyarələr və Project 054A freqatları tərəfindən raketlərin buraxılmasını əks etdirən real kadrlar və kompüter animasiyası var.
Son görüntülərdə raketlər Tayvanın inzibati mərkəzi – Taybeydə, eləcə də daha iki şəhərdə – Kaohsiung və Hualiendə hədəfləri vurub. (Tass)