Fələstinin HƏMAS radikal hərəkatının tərəfdarları Misirdən və digər maraqlı tərəflərdən İsrailə təzyiq göstərərək Rəfah keçid məntəqəsinin Fələstin tərəfdən qoşunlarını geri çəkməyi tələb ediblər. Müvafiq bəyanat hərəkatın rəsmi Telegram kanalında dərc olunub.
“Biz bütün tərəfləri, xüsusən də misirli qardaşlarımızı İsrail işğalçılarına təzyiq göstərməyə çağırırıq ki, orada çalışan şəxsi heyətin işlərini davam etdirə bilməsi üçün Rəfah keçid məntəqəsindən ordularını geri çəksinlər”. Həmas həmçinin bəyan edib ki, yalnız İsrail ordusu Rəfahdan çəkildikdən sonra “xəstə və yaralıları Qəzzadan çıxarmaq” və “anklavlara humanitar yardım çatdırmaq” mümkün olacaq. (Tass)