“Report” xəbər verir ki, mükafatı dünyaşöhrətli rejissor Emir Kusturiça təqdim edib.
Film Azərbaycan Dövlət Mədəniyyət və İncəsənət Universitetinin kinorejissorluq ixtisasından bu il məzun olan rejissor S.Ağayevin diplom işidir.
Dram və mistika janrında çəkilən filmin ssenarisi Xalq şairi Ramiz Rövşənin “Bir səhər yuxudan durub…” şeirindən ilhamlanaraq real hadisələr və yuxular əsasında yazılıb.
Filmdə baş rolları Rafael Şahbəyli, Əməkdar artistlər Gülşad Baxşıyeva və Ayşad Məmmədov canlandırıb. Həmçinin, filmdə Əməkdar artist Gülər Nəbiyeva, Nicat Əsgərzadə, Sunay Həsən və Səid Məmmədov oynayır.
Filmin baş prodüseri, ssenari müəllifi və quruluşçu rejissoru Səməd Ağayev, koprodüseri Murad Şükürlü, quruluşçu operatoru Orxan Məmmədov, bəstəkarı Vüqar Məmmədzadə, quruluşçu rəssamı Elturan Məmmədov, səs rejissoru Nadir Mahmudovdur.
Qeyd edək ki, MDB ölkələrinin beynəlxalq tələbə film festivalının müsabiqəsində 43 film iştirak edib.