2005-2013-cü illərdə İran prezidenti Mahmud Əhmədinejad növbədənkənar İran prezident seçkilərində iştirak etmək üçün qeydiyyatdan keçib.
“Mən əminəm ki, ölkənin bütün problemlərini milli potensialdan maksimum istifadə etməklə həll etmək olar”, – deyə siyasətçi sənədlərini seçki qərargahına təqdim etdikdən sonra keçirdiyi qısa mətbuat konfransında bildirib. IRIB telekanalının sitat gətirdiyi Əhmədinejadın prioritetlərindən biri “yoxsulluğa qarşı hərtərəfli mübarizə və xalqın rifahının yaxşılaşdırılması” olub.
2003-2005-ci illərdə Əhmədinejad Tehranın meri vəzifəsində çalışıb. 2005-ci ildə siyasətçi ikinci turda 61,75% səs toplayaraq prezident seçkilərində qalib gəlib. 2009-cu ildə o, 63% səslə yenidən vəzifəyə seçilib. Ölkənin icra hakimiyyətinə rəhbərlik etdiyi dövrdə Əhmədinejad Qərbi sərt tənqid etməsi və İranın nüvə proqramının inkişaf tempini artırması ilə yadda qalıb. (Tass)