Maldiv adalarının prezidenti Məhəmməd Muizzou Nazirlər Kabinetinin tövsiyəsindən sonra İsrail vətəndaşlarının ölkəyə girişinə qadağa qoyulması barədə qərar qəbul edib. Bu barədə dövlət başçısının rəsmi saytında məlumat verilib.
“Kabinetin qərarına İsrail pasportu sahiblərinin Maldiv adalarına girişini qadağan edən zəruri qanunlara dəyişiklik edilməsi, habelə hökumət daxilində bu hərəkətlərə nəzarət edən komitənin yaradılması daxildir”, – deyə məlumatda bildirilir.
Maldiv adalarının prezidenti həmçinin fələstinlilərin ehtiyaclarını qiymətləndirmək və BMT-nin Fələstinli Qaçqınlara Yardım və İşlər üzrə Təşkilatının Yaxın Şərqdəki dəstəyi ilə Fələstinə yardım üçün vəsait toplama kampaniyası təşkil etmək üçün xüsusi nümayəndə təyin etmək qərarına gəlib. Bundan əlavə, dəstək göstərmək üçün “Maldivlilər Fələstinlə həmrəydir” şüarı altında ümummilli mitinqin keçirilməsi planlaşdırılır. (Tass)