RUR (Round University Ranking) Beynəlxalq Reytinq Agentliyi 2024-cü il üçün dünya universitetlərinin növbəti reytinq siyahısını açıqlayıb. Son reytinq hesabatına əsasən, Gəncə Dövlət Universiteti (GDU) dünya universitetləri arasında qərarlaşıb.
Bu barədə AZƏRTAC-ın bölgə müxbirinə GDU-dan məlumat verilib. Reytinq cədvəlinə Gəncə Dövlət Universiteti ilə yanaşı, Bakı Dövlət Universiteti, Azərbaycan Dövlət İqtisad Universiteti, Azərbaycan Texniki Universiteti, Qərbi Kaspi Universiteti, Azərbaycan Universiteti, Azərbaycan Memarlıq və İnşaat Universiteti, Bakı Biznes Universiteti də düşüb.
Qeyd edək ki, RUR reytinqində universitetləri tədris keyfiyyəti, tədqiqat fəaliyyəti, beynəlxalq müxtəliflik, maliyyə dayanıqlılığı və ümumi akademik göstəricilər daxil olmaqla müxtəlif amillər əsasında qiymətləndirir.