COP29-un prezidenti Muxtar Babayev Türkiyə və Rusiyanın danışıqlar qrupları ilə çoxtərəfli görüş keçirib.
“Report” xəbər verir ki, bu barədə COP29-un “X” sosial şəbəkəsindəki rəsmi hesabında paylaşım edilib.
“COP29-un sədrliyi iyunda keçirilən iqlim görüşləri çərçivəsində Bakıda keçiriləcək COP29-dan əvvəl birgə iqlim fəaliyyət strategiyalarını müzakirə etmək üçün Rusiya və Türkiyədən olan danışıqlar qruplarının sədrləri ilə dəyirmi masa keçirib”, – məlumatda qeyd edilib.
Xatırladaq ki, bu ilin noyabrında BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) Bakıda keçiriləcək. Bu qərar 2023-cü il dekabrın 11-də Dubayda keçirilən COP28 plenar iclasında qəbul edilib. Tədbir çərçivəsində Azərbaycanın paytaxtı 70-80 minə yaxın xarici qonaq qəbul edəcək.
COP29 Presidency held a roundtable as part of #JuneClimateMeetings with Chairs of Negotiating Groups & representatives from Russia and Türkiye, to discuss collaborative strategies for #ClimateAction ahead of #COP29 in Baku this November. pic.twitter.com/q8qkZMay1K
— COP29 AZ (@COP29_AZ) June 6, 2024