Konqo Demokratik Respublikasının (KDR) paytaxtı Kinşasa hərbi tribunalında mayın 19-da dövlət çevrilişinə cəhd və hakimiyyəti ələ keçirməkdə ittiham olunan 3-ü ABŞ vətəndaşı və 1-i Belçika vətəndaşı olmaqla 53 nəfərin işi üzrə dinləmələr başlayıb. Bu barədə Agence France-Presse məlumat yayıb.
Məhkəmə hərbi təcridxananın ərazisində keçirilir. Puşistlər həmçinin terrorizmdə, terror fəaliyyətini maliyyələşdirməkdə, cinayət təşkilatı yaratmaqda, qanunsuz silah saxlamaqda və adam öldürməyə cəhddə şübhəli bilinirlər. (Tass)