ABŞ-ın paytaxtı Vaşinqtonda Ağ Evin qarşısına toplaşan minlərlə nümayişçi Co Bayden administrasiyasını “Qəzza ilə bağlı qırmızı xəttini izləməyə” çağırıb.
Ağ Evin qarşısına və ətrafına toplaşan minlərlə insan son zamanların ən böyük “Qəzzəyə dəstək” nümayişində bir araya gələrək bir daha Amerika ictimaiyyətinə öz mesajlarını çatdırıblar.
“Soyqırım bizim qırmızı xəttimizdir” devizi ilə təşkil edilən nümayişdə fələstinlilər və amerikalı ərəblər, eləcə də digər amerikalı qruplar, anti-sionist yəhudilər və digər etnik və dini mənşəli qruplar iştirak edib.
Günorta saatlarında toplaşan və getdikcə artan izdiham “Qəzzədə soyqırıma yox”, “İşğala son”, “Fələstinə azadlıq” və “Bayden, yalanı dayandır” kimi şüarlar səsləndirib və əsasən atəşkəsə çağıran pankartlar tutub.
İsrailin son hücumlarına etiraz edən nümayişdə çıxış edən təşkilatçılar, bəyan edib ki, ABŞ administrasiyası İsrailə silah göndərməyi dərhal dayandırmalı və dərhal atəşkəsin təmin edilməsi üçün üzərinə düşəni etməlidir. (TRT Haber)