Koreya Respublikasının Prezidenti Yun Seok-yeol Türkmənistanın rəhbəri Serdar Berdiməhəmmədovu ölkəsinə səfərə dəvət edib. Bu barədə “Neytral Türkmənistan” rəsmi qəzeti məlumat yayıb.
Yun Seok Yeol Türkmənistanda dövlət səfərindədir. O, Berdıməhəmmədovu hər iki tərəf üçün əlverişli vaxtda Cənubi Koreyaya səfərə dəvət edib. Nəşrin məlumatına görə, Türkmənistan prezidenti dəvəti minnətdarlıqla qəbul edib, səfərin tarixləri diplomatik kanallar vasitəsilə razılaşdırılacaq.
Danışıqların yekunlarına dair birgə bəyanatda liderlərin ikitərəfli görüşün mehriban və səmimi şəraitdə keçdiyi vurğulanıb. Görüş zamanı iqtisadi, sosial və mədəni sahələrdə əməkdaşlığın genişləndirilməsi və dərinləşdirilməsi perspektivləri, qarşılıqlı maraq doğuran regional və qlobal məsələlər müzakirə edilib, həmçinin iki ölkə arasında qarşılıqlı faydalı tərəfdaşlığın və ümumi rifahın daha da inkişafına kömək etmək barədə razılığa gəlinib. (Tass)