Azərbaycan Respublikasının kənd təsərrüfatı naziri Məcnun Məmmədov iyunun 21-də saat 09:00-da Astara Dövlət Aqrar İnkişaf Mərkəzinin inzibati binasında Astara, Lənkəran və Lerik rayonlarından olan vətəndaşlarla görüşəcək.
Nazirliyin mətbuat xidmətindən AZƏRTAC-a bildirilib ki, görüşdə vətəndaşların qurumun səlahiyyət dairəsinə aid məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Vətəndaş qəbulunda iştirak etmək istəyənlər Astara Dövlət Aqrar İnkişaf Mərkəzinə (055-331-70-63) müraciət edə bilərlər.
Qəbula yazılmaq üçün, həmçinin Kənd Təsərrüfatı Nazirliyinin “Çağrı Mərkəzi”nə zəng etməklə (1652) qeydiyyatdan keçmək olar.
Qəbula gələn vətəndaşlar əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.