“Hizbullah” şiə milislərinin dəstələri İsrail ordusunun Qərbi Qalileydəki mövqelərinə çoxsaylı reaktiv raket sistemlərindən hücumlar edib. Bu barədə qurumun Telegram kanalında yerləşdirilmiş bəyanatında deyilir.
İsrail əsgərlərinin yerləşdiyi beş sərhəd yaşayış məntəqəsi minaatanlardan atəşə tutulub. Şiə döyüşçüləri Birket Rişdəki komanda-müşahidə məntəqəsinə və Geşer Hezivdəki kazarmalara bir neçə yaylım atəşi açıblar. Kfar Blum və Misqav Am yaşayış məntəqələri raketlərdən atəşə tutulub. Ramtada mexanikləşdirilmiş patrulu məhv etmək üçün tank əleyhinə idarə olunan raketlərdən istifadə edilib.
“Müqavimət qüvvələri bu əməliyyatları Qəzza zolağında Fələstin xalqına dəstək və İsrailin Livanın mülki kəndlərinə hücumlarına cavab olaraq həyata keçirib”, – mətndə qeyd edilir. (Tass)