Monqolustanın Dövlət Böyük Xuralına (Parlament) seçkilərdə namizədlərin ən azı 30%-nin 1 milyard tuqrikdən (təxminən 295 min dollar) dəyərində aktivləri var. Bu barədə namizədlərin əmlak və gəlirləri haqqında bəyannamələri dərc etməyə başlayan Milli Antikorrupsiya Agentliyi məlumat yayıb.
“Bu parlament seçkilərində 415 nəfərin və ya 1336 namizədin 30%-nin 1 milyard tuğrikdən çox sərvətləri var, qanunla onların əmlakı və gəlirləri haqqında bəyannamələr ictimaiyyətə açıq olmalıdır”, – deyə korrupsiyaya qarşı mübarizə agentliyi xatırladıb.
Onun məlumatına görə, 415 milyarder arasında parlamentin spikeri Qombocavin Zandanşatar və iki əsas partiyanın – hakim Xalq Partiyası və müxalif Demokrat Partiyasının fraksiyalarının rəhbərləri də daxil olmaqla, cəmi 44 nəfər Xural deputatı var.
Ümumilikdə, Xalq Partiyasından namizədlərin ümumi sayı arasında 95 milyarder, Demokrat Partiyasından isə 94 milyarder var. (Tass)