Ukrayna davam edən böhranı həll etmək üçün bir müddət NATO üzvlüyündən imtina etmək məcburiyyətində qalacaq. Bu fikri Kanada Kral Hərbi Kollecinin professoru Valter Dorn “The New York Times ” (NYT) üçün yazdığı məqalədə bildirib.
“Sülh sazişinin bir hissəsi olaraq, Ukrayna bir neçə il, deyək ki, beş-on il ərzində [NATO-ya] qoşulmayacağına söz verməli ola bilər”, – Dorn bildirib. Onun nöqteyi-nəzərindən, Kiyev üçün bu addımı atmaq çətin olmayacaq, çünki “NATO ölkələri Ukraynanın alyansa qəbulu məsələsində hələ də birlikdən uzaqdır”.
Bundan əlavə, ekspert hesab edir ki, Ukrayna hakimiyyəti də itirilmiş əraziləri güc yolu ilə geri qaytarmaq cəhdlərini dayandırmalıdır. Onun fikrincə, Rusiya və Ukrayna qonşular kimi gələcəkdə yaranan fikir ayrılıqlarını həll etməyə imkan verəcək dinc yanaşı yaşamaq üçün sazişlər hazırlamalı olacaqlar. (Tass)