ABŞ prezidenti Co Bayden sübut etməlidir ki, Yaxın Şərqdə nizamlanma üçün bu yaxınlarda elan etdiyi mərhələli plan seçkiqabağı investisiya deyil, problemi həll etmək üçün səmimi istəyi əks etdirir. Bunu Türkiyə lideri Rəcəb Tayyib Ərdoğan İspaniya və İtaliyaya səfərlərinin sonunda jurnalistlərlə söhbətində deyib.
“Təbii ki, cənab Baydenin bu planın sadəcə seçkiqabağı sərmayə olmadığını, Fələstindəki qırğını dayandırmaq üçün atılan real və səmimi addım olduğunu sübut edəcəyinə dair bir gözlənti var. BMT Təhlükəsizlik Şurasının qətnaməsi bir addımdır, lakin Şuranın kağız üzərindəki qərarlarının İsrail tərəfindən nə qədər görməzlikdən gəldiyini bilirik”, – deyə Anadolu Agentliyi prezidentdən sitat gətirib.
Türkiyə prezidenti həmçinin işarə edib ki, “ABŞ İsrailin artan təkəbbüründən narahatdır”, baxmayaraq ki, “Amerika administrasiyası özü narazılığını açıq şəkildə bildirməyib”. “Amerika universitetlərində, küçələrdə, tələbələr və kanslerlər arasında ictimai səslər müəyyən transformasiyanın başladığını göstərir. Bu da İsraili ciddi narahat edir”, – o əlavə edib. (Tass)