Estoniya öz sursat ehtiyatlarını son iki ildə digər NATO ölkələrinə nisbətən daha tez doldurur, Tallin əvvəlki 30 ildəkindən daha çox silah-sursat alıb. Bu barədə respublikanın müdafiə naziri Hanno Pevkur “Vikerhommik” proqramında bildirib.
Onun sözlərinə görə, ABŞ istisna olmaqla, bütün NATO ölkələri “kəskin sursat çatışmazlığı yaşayır”. “Ölkələrin döyüş sursatı toplamaq sürətinə baxsaq, şübhəsiz ki, biz son iki ildə 30 ildən çox silah-sursat əldə etmişik”, – Pevkur bildirib.
Estoniya Müdafiə Nazirliyinin rəhbəri aydınlaşdırıb ki, əgər 2022-2025-ci illər üçün büdcədə hakimiyyət sursatların alınması üçün 155 milyon avro ayırıbsa, iyunda təsdiq edilmiş dördillik planda bu məqsədlər üçün 1,55 milyard avro nəzərdə tutulub. O əlavə edib ki, hökumət silah-sursat ehtiyatlarının artırılması üçün əlavə 1,6 milyard avro ayrılması imkanını müzakirə edir. (Tass)