Rusiya və KXDR arasında Hərtərəfli Strateji Tərəfdaşlıq Sazişi ABŞ-ın regionda Asiya ölkələri ilə ittifaq yaratmaq səyləri nəticəsində Şərqi və Cənub-Şərqi Asiyada artan qarşıdurmaya reaksiya idi. Bu fikri avstriyalı politoloq, Rusiya siyasəti üzrə ekspert, İnsbruk Universitetinin professoru Gerhard Manqott deyib.
“Deyə bilərik ki, Rusiya Federasiyası ilə KXDR arasında saziş Şərqi və Cənub-Şərqi Asiyada bloklar arasında artan qarşıdurmaya bir növ reaksiyadır”, o, Puls 24 telekanalında deyib. Ekspert izah edib ki, son illərdə ABŞ fəal şəkildə Hindistan, Yaponiya, Cənubi Koreya və Avstraliya ilə ittifaqlar yaratmağa, eləcə də bu ölkələrlə müdafiə sahəsində əməkdaşlığı inkişaf etdirməyə çalışıb. Bütün bunların fonunda Moskvanın müqavilədə təsbit olunmuş Pxenyana təcavüz olacağı təqdirdə ona lazımi yardımı göstərməyə hazır olması Vaşinqton və onun müttəfiqlərinə regionda onlara qarşı durmağa hazır olan qüvvənin olduğunu başa düşməyə yönəlib.
Qeyd edək ki , Rusiya və KXDR Rusiya prezidenti Vladimir Putin və KXDR lideri Kim Çen In arasında iki ölkənin nümayəndə heyətlərinin iştirakı ilə aparılmış danışıqlardan sonra Hərtərəfli Strateji Tərəfdaşlıq Sazişi, səhiyyə sahəsində əməkdaşlıq haqqında saziş imzalayıblar. (Tass)