Bakıda səfərdə olan Kiçik və Orta Müəssisələrin İnkişafı və Dəstəklənməsi Təşkilatının (KOSGEB) və Ankara Ticarət Palatasının nümayəndələri “Bakı KOB evi”ndə olublar.
Kiçik və Orta Biznesin İnkişafı Agentliyindən (KOBİA) AZƏRTAC-a bildirilib ki, qurumun İdarə Heyətinin sədri Orxan Məmmədov ilə KOSGEB-in İdarə Heyəti sədrinin müavini Recep Kılınç və Ankara Ticarət Palatasının İdarə Heyəti sədrinin müavini Halil İbrahim Yılmaz arasında görüş keçirilib.
Görüşdə Agentlik tərəfindən sahibkarlara göstərilən dəstək və xidmətlər barədə məlumat verilib, Azərbaycan və Türkiyə iş adamları arasında biznes və ticarət sahəsində əməkdaşlıq perspektivləri, qarşılıqlı biznes missiyaların təşkili məsələləri müzkirə olunub.