Türkiyə hakimiyyəti Suriyanın şimalındakı kürd bölgələrində bələdiyyə seçkilərinin keçiriləcəyi təqdirdə ABŞ-la toqquşma riski barədə xəbərdarlıq edib. Bu barədə TGRT telekanalı təhlükəsizlik strukturlarındakı mənbələrə istinadən məlumat yayıb.
ABŞ, İran və Rusiya “terror təşkilatı PKK-nın (Türkiyədə qadağan edilmiş Kürdüstan Fəhlə Partiyası) Suriyanın şimalında təşkil etməyə çalışdığı qondarma seçkilərin keçirilməsini tamamilə ləğv etmək məqsədi ilə diplomatik əlaqələri davam etdirir. ” Təhlükəsizlik strukturlarındakı mənbələr Türkiyə bir daha ABŞ-a səsverməni təxirə salmamalı, ləğv etməli olduğuna işarə edib, əks halda “Türkiyə və ABŞ toqquşacaq və qarşıdurma vəziyyətinə düşəcək”. Belə bir xəbərdarlığı Ankaranın Vaşinqtona etdiyi iddia edilir. Telekanal qeyd edib ki, Amerika tərəfi hələlik bu seçkiləri dəstəklədiyini bəyan etməyib.
Telekanal səsvermənin ləğvi ilə bağlı Suriya ilə təmasların dalana dirəndiyini də bildirib. Keçən il kəşfiyyat nümayəndələrinin heç vaxt baş tutmayan dördtərəfli görüşündə bu məsələnin müzakirəsi planlaşdırılırdı. Təhlükəsizlik mənbələri qeyd edir ki, ABŞ qoşunlarının Suriyadan çıxarılması problemin həllinə kömək edə bilər, lakin Rusiya və İranın regionda qaldığı bir vaxtda bu, qeyri-real görünür. Ankara Vaşinqtonu Suriya və İraqdakı kürd təşkilatlarına verdiyi dəstəyə görə tənqid edir və bunun müttəfiqlik ruhuna zidd olduğunu bildirir. (Tass)