Temperaturun 52 dərəcəyə çatdığı Səudiyyə Ərəbistanında həcc ziyarəti zamanı həyatını itirən zəvvarların sayının 1000-i keçdiyi bildirilib. Bu vəziyyətdən sonra bölgədə təhlükəsizlik tədbirləri sorğulanmağa başlayıb. Səudiyyə rəsmiləri “Ölənlərin sayında artım yoxdur” deyib.
AFP-yə danışan Misir rəsmisi 1400 misirlinin yaxınlarının itkin düşməsi ilə bağlı şikayət ərizəsi verdiyini bildirib. Ölənlər arasında 23 Türkiyə vətəndaşının olduğu bildirilib. KİV-in məlumatına görə, ölüm hallarının əksəriyyəti ürək-damar xəstəlikləri və infeksiya ilə bağlı xəstəliklərdir.
Səudiyyə rəsmiləri zəvvarlara çətirdən istifadə etməyi, bol su içməyi və günün ən isti saatlarında günəşə məruz qalmamağı tövsiyə edib. Bununla belə, Həcc ziyarətlərinin bir çoxu, o cümlədən şənbə günü Ərəfat dağında qılınan namazlar gündüz saatlarında baş verir və saatlarla açıq havada qalmağı tələb edir. (Haberler.com)