Tehran gələcəkdə region üçün bir sıra əhəmiyyətli faydalar verəcək “Asiya İttifaqı”nın yaradılması perspektivini görür. Bu barədə İranın xarici işlər naziri vəzifəsini icra edən Əli Baqiri Kaninin Asiya Əməkdaşlıq Dialoqu (ACD) nazirlərinin 19-cu görüşünə həsr olunmuş məqaləsində deyilir. Mətn TASS-a təqdim olunub.
“Asiyanın zəngin mədəni irsini və davamlı dəyərlərini, eləcə də qitənin güclü potensialını və sağlam iqtisadi və texnoloji əsaslarını nəzərə alsaq, Asiya xalqı arasında Asiya cəmiyyətinə daha güclü mənsubiyyət hissi yaradılarsa, bu, şübhəsiz ki, bir sıra əhəmiyyətli nəticələrə gətirib çıxaracaqdır. Bu, həm də Asiya dövlətlərini Asiya koalisiyaları və nəticədə “Asiya İttifaqı” yaratmağa həvəsləndirər və Asiya Əməkdaşlıq Dialoqu bu baxımdan həlledici rol oynaya bilər”, – deyə iranlı diplomat qeyd edib. (Tass)