Pakistan-Əfqanıstan sərhədində Spin Boldak – Çaman keçid məntəqəsindən keçən bir qrup şəxsə əfqan sərhədçisi atəş açıb. Bu barədə Dawn qəzeti məlumat yayıb .
Onun məlumatına görə, sərhədçi Pakistandan Əfqanıstana gedən insanlara “təbii və fərq qoymadan atəş açıb”. Hadisə nəticəsində biri 12 yaşlı uşaq da daxil olmaqla ən azı iki nəfər həlak olub.
Qeyd olunur ki, Pakistan tərəfi hadisənin səbəbinin müəyyən edilməsi, cinayətkarın saxlanılması və Pakistana təhvil verilməsi üçün Əfqanıstan hakimiyyətinə müraciət edib.
İslamabad bundan əvvəl qeyri-qanuni əfqan miqrantları ölkədən deportasiya etmək qərarına gəlib. Səlahiyyətlilərin sözlərinə görə, noyabrın 1-dək Pakistanda qeyri-qanuni yaşayan şəxslər könüllü olaraq vətənlərinə qayıtmalıdırlar, əks halda onlar deportasiya olunacaqlar. (Tass)