Ukraynadakı münaqişə regiondan kənara da yayıla bilər və nüvə silahından istifadə riski var. Bunu Türkiyənin xarici işlər naziri Hakan Fidan Ankarada keçirdiyi mətbuat konfransında deyib. Yayım nazirliyin X (keçmiş Twitter) səhifəsində aparılıb.
“Ukraynadakı münaqişə regiondan kənara da yayıla bilər və nüvə silahından istifadə riski var”, – deyə o bildirib.
Fidan həmçinin bildirib ki, Türkiyə Ukraynada vasitəçiliyə hazırdır və münaqişənin tezliklə sülh yolu ilə həllinin tərəfdarıdır. Türkiyə Xarici İşlər Nazirliyinin başçısı regionda atəşkəsin əldə olunmasını prioritet adlandıraraq, “Biz mümkün qədər tez sülh yolu ilə nizamlanma üzrə danışıqlara başlamağı vacib hesab edirik və vasitəçilik səylərini göstərməyə hazırıq” deyib. (Tass)