“Demokratik Bolqarıstan” parlament koalisiyasının (“Dəyişikliyə davam” partiyası ilə blokun bir hissəsi) lideri Atanas Atanasov hərbi kəşfiyyat xidmətinin zabitlərini məxfi məlumatları qeyri-qanuni ötürməyə sövq etməkdə ittiham olunurdu. İlk dəfə yerli mətbuatın xəbər verdiyi bu faktı parlamentdə keçirilən dinləmələrdə Bolqarıstan Müdafiə Nazirliyinin hərbi kəşfiyyat xidmətinin direktoru Venelin Venev də təsdiqləyib. Onun sözlərinə görə, baş nazir Nikolay Denkovun milli təhlükəsizlik üzrə müşaviri Veselin Markov 2023-cü ilin iyulunda hərbi kəşfiyyatçılarla əlaqə saxlayıb və o, bunu Atanas Atanasovun əmri və təşəbbüsü ilə edib. Razılaşdıqları təqdirdə, zabitlərə karyera yüksəlişində kömək təklif edildi. İclas parlamentin rəsmi saytında yayımlanıb.
“İki zabitin Denkovun müşaviri ilə görüşü keçən ilin iyulunda baş tutub, bundan sonra onlar bu görüşlər barədə məlumat veriblər və bundan sonra Markov birbaşa olaraq xüsusi xidmətə öz adamlarını təyin etmək istədiyini bildirib Kəşfiyyatda işləyən adamının vəzifəsindən uzaqlaşdırılmasından təəssüflənirəm: “Mən zabitlərimə arxayınam və hər şeyin onların hesabatlarında göstərildiyi kimi baş verdiyinə inanıram”, – deyə hərbi kəşfiyyat xidmətinin rəisi prokurorluq araşdırmasının aparıldığını açıqlayıb.
Venev aydınlaşdırıb ki, zabitlərdən “müəyyən mövzular üzrə əməliyyat məlumatı təqdim etmək, həmçinin müəyyən vəzifələr haqqında məlumat paylaşmaq” tələb olunub.
Hərbi kəşfiyyat xidmətinin direktorunun mesajı parlamentdə qalmaqala səbəb olub, siyasi birliklərin rəhbərləri Atanasovun istintaqını və həbsini tələb ediblər. (Tass)