Slovakiya Çexiyanın Ukraynaya mərmi tədarükü təşəbbüsünü dəstəkləyəcək. Bu barədə Slovakiya Prezidenti Peter Pelleqrini Praqada mətbuat konfransında bildirib.
Slovakiyanın pravda.sk portalı ondan sitat gətirir: “Biz Çexiyanın döyüş sursatı sahəsindəki fəaliyyətinin uğuruna böyük töhfə verəcəyik Çexiyanın topladığı məbləğdən sursat birbaşa Slovakiya fabriklərində istehsal olunacaq”.
Eyni zamanda, Pelleqrini qeyd edib ki, Slovakiya öz əsgərlərini və ya təlimatçılarını Ukraynaya göndərmək fikrində deyil. “Slovakiya Ukraynaya bir dənə də əsgər göndərməyəcək”. Təlimatçılara gəlincə, onlar Ukrayna hərbçilərinə “yalnız Slovakiya ərazisində” təlim keçə biləcəklər.
Pelleqrini çərşənbə günü Çexiyanın paytaxtına Slovakiya Respublikasının prezidenti vəzifəsinin icrasına başlamasından sonra ilk rəsmi xarici səfərini edib. (Tass)