Gürcüstan parlamenti üçüncü və yekun oxunuşda respublika prezidentinin andiçmə mərasiminin qanunverici orqanın binasında keçiriləcəyi qanunvericilik təşəbbüsünü təsdiqləyib. İclas parlamentin saytında canlı yayımlanıb.
Gürcüstanın “Dövlət əhəmiyyəti rəmzləri haqqında” qanuna müvafiq düzəlişləri 50 parlamentar kvorumla 77 deputat dəstəkləyib. Qanun layihəsinə sürətləndirilmiş qaydada baxılıb.
Parlamentin prosedur məsələləri üzrə komitəsinin rəhbəri İrakli Kadagişvilinin iyunun 26-da qanun layihəsini birinci oxunuşda təqdim edərkən izah etdiyi kimi, növbəti prezident seçkiləri Gürcüstan parlamentinin binasında keçiriləcək, müvafiq olaraq, onun and içməsi qanunvericilik orqanında baş tutmalıdır.
Yeni qanuna əsasən, dövlət başçısının andiçmə mərasiminin təşkilati məsələləri ilə parlamentin spikeri məşğul olacaq. Prezidentin andı üçün pul qanunverici orqanın büdcəsindən ayrılacaq. Əvvəllər bu məsələ həllini tapmırdı və prezidentin andiçmə mərasimi müxtəlif formalarda keçirilirdi. (Tass)