Hindistanın baş naziri Narendra Modi Rusiyaya səfərindən sonra iyulun 10-da Avstriyaya səfər edəcək. Bu barədə Times Now telekanalı məlumat yayıb.
Modinin Avstriyaya səfəri Hindistanın baş nazirinin son 40 ildə ölkəyə ilk səfəri olacaq. Telekanalın məlumatına görə, Modi bir gün Vyanada qalacaq.
O, Avstriyanın kansleri Karl Nehammerlə görüşəcək. Onlar həmçinin Ukraynadakı münaqişəni və Yaxın Şərqdə vəziyyətin gərginləşməsini müzakirə edəcəklər.
Danışıqların gündəliyinə daxil edilən məsələlər arasında texnologiya sahəsində Hindistan-Avstriya əlaqələrinin gücləndirilməsi, o cümlədən Avropa ölkəsinin Hindistanın Silikon Vadisi – Banqalorda investisiyalarının artırılması da var. Hazırda Avstriyada 35 Hindistan texnoloji firması fəaliyyət göstərir. (Tass)