Şiə Hizbullah milisləri Kfar Şuba sərhəd bölgəsində İsrailin mexanikləşdirilmiş patruluna hücum edib, onun döyüşçüləri bir tankı və zirehli personal daşıyıcısını raketlərlə vura bilib. Bu barədə qurumun Telegram-kanalında yerləşdirilən məlumatda deyilir.
Mətndə deyilir: “İslam müqavimət bölmələri düşmən hədəflərinə tank əleyhinə idarə olunan raketlərlə atəş açaraq, Kfar Şuba yüksəkliyindəki Ruveysat əl-Aləmdə Merkava tankını və “Namer” zirehli transportyorunu vurublar. Düşmənin iki zirehli maşını sıradan çıxdı, ekipaj üzvləri arasında ölən və yaralananlar var”. Bəyanatda qeyd edildiyi kimi, bu əməliyyat “Qəzza zolağında Fələstin xalqının müqavimətinə dəstək məqsədilə” həyata keçirilib. (Tass)