Estoniya Müdafiə Nazirliyi qanuna başqa ölkələrdən olan könüllülərin Baltikyanı respublikanın müdafiə qüvvələrinə qoşulmasına və burada hərbi təlim keçməsinə icazə verən düzəlişlər təklif edib. Bu barədə Estoniyanın ERR dövlət televiziya və radio portalı məlumat yayıb.
Onun sözlərinə görə, planlaşdırılan dəyişikliklər ölkə parlamenti tərəfindən təsdiq olunarsa, ilk növbədə artıq Estoniyada təhsil alan və ya işləyən əcnəbilərə şamil ediləcək. Onlarla könüllü xidmət müqavilələrinin bağlanması təklif edilir. Bu, artıq bu sahədə müəyyən bacarıqlara malik olan, o cümlədən təlimatçı kimi xarici ölkə vətəndaşlarının respublikanın dövlət müdafiəsinə cəlb olunmasına imkan verəcək.
Qeyd olunur ki, mövcud qanunlara əsasən, xarici könüllülər Estoniyanın müdafiə qüvvələrinə yalnız ölkədə hərbi vəziyyət elan olunduğu və səfərbərlik edildiyi halda qoşula bilərlər.
Mayın 28-də Estoniya Müdafiə Nazirliyinin rəhbəri Hanno Pevkur bildirib ki, Tallin NATO-nun iyulda Vaşinqtonda keçiriləcək sammitində alyansa üzv ölkələr üçün müdafiə xərclərinin minimum səviyyəsini indiki 2 faiz əvəzinə 2,5 faizə çatdıracaq.