ABŞ prezidenti Co Bayden Ağ Evdə demokrat qubernatorlarla qapalı görüşdə keçmiş Amerika lideri Donald Trampla teledebatda uğursuz çıxışından sonra tibbi müayinədən keçdiyini bildirib. Bu barədə çərşənbə günü “Politico” mənbələrə istinadən məlumat yayıb.
Bayden keçən həftə tibbi müayinədən keçib və özünü yaxşı hiss edir. Mənbələr, Baydenin səhhətinin yaxşı olduğunu söyləyib.
Dövlət başçısının iş qrafiki ilə tanış olan mənbə qeyd edib ki, Bayden çox güman ki, soyuqdəymə əlamətləri səbəbindən keçdiyi qısa tibbi müayinəni nəzərdə tutur. Onun sözlərinə görə, bu yoxlamaya ciddi yoxlamalar daxil olmayıb.
ABŞ-da prezident seçkiləri noyabrın 5-də keçiriləcək. Tramp artıq respublikaçıların dövlət başçısı vəzifəsinə namizəd kimi irəli sürülməsi üçün lazımi sayda nümayəndə səsini toplayıb. İkinci müddətə namizədliyini irəli sürən Bayden Demokratlar Partiyasından kifayət qədər sayda nümayəndənin dəstəyini qazanıb. Namizədlər bu ilin yayında keçiriləcək partiya qurultaylarında təsdiqlənəcək. (Tass)