İsrail Hərbi Hava Qüvvələri Qəzza şəhərində Birləşmiş Millətlər Təşkilatının Fələstinli Qaçqınlara Yardım Agentliyinin (UNRWA) HƏMAS radikallarının sığınacaq və bölgədəki əməliyyat qərargahı kimi istifadə etdiyi iki məktəbin ərazisinə zərbələr endirib. Bu barədə ordunun mətbuat xidməti məlumat yayıb.
“İsrail Hərbi Hava Qüvvələri Qəzza şəhərindəki UNRWA məktəblərində fəaliyyət göstərən terrorçulara hücum etdi: Əl-Furqane bölgəsindəki Əlkahira məktəbi və Dəraj Tuffeh bölgəsindəki Musa məktəbi bu məktəblərdən HƏMAS terror təşkilatı tərəfindən sığınacaq və əməliyyat qərargahı kimi istifadə edilib Hansı ki, yaraqlılar Qəzza zolağında fəaliyyət göstərən İDF hərbçilərinə qarşı çoxsaylı hücumlar planlaşdırıb, idarə edib və həyata keçiriblər”, – məlumatda deyilir.
Ordu qeyd edib ki, “zərbələrdən əvvəl cəlb olunmamış mülki şəxslərə dəyən zərəri minimuma endirmək üçün bir sıra addımlar atılıb”, o cümlədən dəqiq idarə olunan sursatlardan və havadan müşahidədən istifadə edilib. “Həmas, mülki strukturları və əhalini İsrail dövlətinə qarşı terror hücumları üçün canlı qalxan kimi istifadə edərək, beynəlxalq hüququ sistematik şəkildə pozur”, – deyə İDF əlavə edib. (Tass)