NATO Ukraynadakı münaqişə təcrübəsini nəzərə alaraq yenilənmiş hərbi planlar hazırlayır, onlar nəzərdə tuturlar ki, alyansa ehtimal edilən “Rusiyadan hücumu” dəf etmək üçün 35-dən 50-yə qədər əlavə briqada lazımdır. Bu barədə “Reuters” anonim hərbi mənbəyə istinadən məlumat yayıb.
Onun sözlərinə görə, hər birində 3 mindən 7 minə qədər hərbçidən ibarət belə sayda briqadaların formalaşdırılması “ciddi çətinliklərlə” üzləşə bilər. Mənbə bu cür alyans planlarının məxfi olmasını əsas gətirərək əlavə məlumat verməkdən imtina edib.
Eyni zamanda, agentlik onu da qeyd edir ki, NATO-nun müəyyən edilmiş sayda bölmələri formalaşdırmaq üçün lazımi kadr resurslarını hardan cəlb edəcəyi hələ də qeyri-müəyyən olaraq qalır. Alyans ölkələri, çox güman ki, bunu digər bölgələrdən qoşun köçürmələri, əlavə cəlbetmə və ya “birləşmiş yanaşma” vasitəsilə edə biləcəklər. (Tass)