ABŞ dörd patrul katerini Ukrayna Dövlət Sərhəd Xidmətinə təhvil verib. Bu barədə ABŞ-ın Kiyevdəki səfiri Bridcet Brink məlumat verib.
“Keçən həftə ABŞ Ukrayna sərhədçilərinə dörd patrul gəmisini təhvil verdi” deyə o, X (keçmiş Twitter) yazdı.
Brink bildirib ki, onlar Ukraynanın sahil xəttini, limanlarını və çaylarını qorumaq niyyətindədirlər və “daha çox gəmilərə taxıl və digər həyati əhəmiyyətli malları dünya bazarlarına çıxarmağa imkan verəcəklər”.
“Military” nəşrinin müşahidəçiləri Brinkin dərc etdiyi fotonu araşdırıb və belə qənaətə gəliblər ki, söhbət Metal Shark 45 Defiant patrul katerlərindən gedir. Onlar bütövlükdə alüminium konstruksiyaya malikdirlər, 35-40 düyün sürətə çata bilirlər və müasir naviqasiya sistemləri ilə təchiz olunublar. Korpusun uzunluğu 13,8 m, eni 4,6 m olan Metal Shark qayıqları ölkəyə ilk dəfə 2022-ci ildə Ukrayna Hərbi Dəniz Qüvvələrinin çay flotiliyasının tərkibində fəaliyyət göstərmək üçün gəlib. (Tass)