Fələstinin HƏMAS hərəkatının tərəfdarları iddia edirlər ki, İranın yeni seçilmiş prezidenti Məsud Pezeşkian hərəkatın Siyasi Bürosunun rəhbəri İsmayıl Haniyəyə yazdığı məktubda Fələstin xalqını dəstəkləməyə davam edəcəyinə söz verib. Sənəddən çıxarışlar HƏMAS-ın rəsmi Telegram kanalında dərc olunub.
Onlar deyirlər ki, İslam respublikasının seçilmiş prezidenti ölkəsinin fələstinlilər bütün qanuni hüquqlarının reallaşmasına və məqsədlərinə çatana qədər onlara dəstəyini davam etdirəcəyinə söz verib. Radikalların sözlərinə görə, Pezeşkian Fələstin xalqına İsrail işğalına qarşı mübarizədə kömək etməyi humanitar öhdəlik və bütün müsəlmanların vəzifəsi kimi qiymətləndirib.
HƏMAS-ın dərc etdiyi məktubdan çıxarışlarda Pezeşkian həmçinin hərəkat liderinə prezident seçilməsi münasibəti ilə “isti mesaj”a görə təşəkkür edib və HƏMAS-ın İsraillə silahlı münaqişədə qələbə çalacağına ümid etdiyini bildirib. (Tass)