Varşava Ukrayna Silahlı Qüvvələrinin könüllü birləşmələrində xidmət etmək arzusunu ifadə edən Avropada yaşayan Ukrayna vətəndaşlarına Polşanın Bıdqoş şəhərindəki NATO-nun yeni təlim-analitik mərkəzində – Ukraynada təlim keçməyi təklif edib. Bunu Associated Press agentliyinə müsahibəsində Polşa nümayəndə heyətinin tərkibində Vaşinqtonda alyans sammitində olan Respublikanın Milli Təhlükəsizlik Bürosunun rəhbəri Yaçek Severa deyib.
Onun sözlərinə görə, Qərb bu mərkəzi “hazırda Avropa ölkələrində olan və gələcəkdə Ukraynanı müdafiə etmək arzusunu ifadə edən” ukraynalı könüllülərin təlimi üçün potensial baza hesab etməlidir. Severa deyir ki, milyonlarla belə insanlar var. Onun fikrincə, onlardan bəziləri Avropada hərbi təlim keçməyə üstünlük verəcək.
Bundan əlavə, NATO-nun yeni təsisatının məqsədlərindən biri də Rusiya Federasiyası ilə silahlı münaqişədə iştirak etmiş Ukrayna Silahlı Qüvvələrinin hərbi qulluqçuları ilə təcrübə mübadiləsi olacaq. Xüsusilə, NATO hərbçiləri “döyüş meydanında mülki dronların istifadəsi ilə bağlı” məlumat əldə etməkdə maraqlı idi.
Polşanın Bıdqoş şəhərində Ukrayna ilə birgə analitik, təlim və təhsil mərkəzinin yaradılması NATO-nun Vaşinqtonda keçirilən sammitinin yekun bəyanatında bildirilir. Belə bir mərkəzin yaradılması təşəbbüsü ilə 2022-ci ildə Madriddə alyans dövlətləri liderlərinin görüşündə Polşa prezidenti Anjey Duda çıxış edib. (Tass)