Macarıstan NATO müttəfiqlərindən Ukraynanın alyansa mümkün daxil olması məsələsinə son dərəcə ehtiyatla yanaşmağı xahiş edir. Bu barədə NATO-nun Vaşinqtonda keçirilən sammitində baş nazir Viktor Orbanı müşayiət edən Macarıstanın xarici işlər naziri Peter Siyarto bildirib.
Nazir izah edib ki, Ukrayna Rusiya ilə silahlı münaqişə vəziyyətindədir və onun NATO-ya daxil olması bu təşkilatı Rusiya Federasiyası ilə də hərbi münaqişəyə girməyə məcbur edəcək. “Buna görə də biz Şimali Atlantika Alyansı və bütün müttəfiqlərimizdən xahiş edirik ki, Ukraynanın NATO-ya mümkün üzvlüyü məsələsinə gəlincə, buna son dərəcə ehtiyatla yanaşsınlar”, – Siyarto Macarıstanın M1 televiziya şirkətinə müsahibəsində deyib. (Tass)