Müxalif “Pobeda” blokunun rəhbəri İlan Şor Moldovanın prezident seçkiləri ilə eyni vaxtda keçirəcəyi referendumda ölkənin Aİ-yə daxil olmasının əleyhinə səs verməyə çağırıb.
“Biz bütün Moldova vətəndaşlarını oktyabrın 20-də keçiriləcək seçkilərə gəlməyə və Moldovanın Aİ-yə daxil olmasının əleyhinə səs verməyə çağırırıq”, – Şor Telegram kanalında yazıb .
Bundan əvvəl Moldovanın kommunist və sosialist partiyaları öz tərəfdarlarına oxşar çağırışlar etmişdilər. Müxalifət referendumu ölkə prezidenti Maia Sandu-nun seçki kampaniyasının tərkib hissəsi adlandırıb. Müxalifət hesab edir ki, prezident əlavə səs toplamaq üçün yenidən seçilməsini respublikanın Avropa gələcəyi ilə əlaqələndirməyi planlaşdırır. Müxalifət həmçinin plebisitdən sonra konstitusiyaya planlaşdırılan düzəlişlərdən də narahatdır.
Moldova Respublikasının Sosialistlər Partiyasının rəhbəri İqor Dodon bundan əvvəl müxalifəti qarşıdan gələn prezident seçkilərində keçmiş baş prokuror Aleksandr Stoyanoqlonu dəstəkləməyə çağırıb. “Pobeda” bloku hələlik bu təşəbbüsə cavab verməyib. (Tass)