Avropa Parlamentinin (AP) Latviyadan olan keçmiş deputatı Andrey Mamıkin beynəlxalq axtarışa verilib. Bu barədə “Delfi” portalı məlumat yayıb.
Onun məlumatına görə, iyunun sonunda Baltikyanı respublikanın Baş Prokurorluğunun beynəlxalq əməkdaşlıq şöbəsi eks-deputatın həbsinə Avropa orderi verib. Sonra müvafiq qərar beynəlxalq sistemlərdə yerləşdirilməsi üçün Latviya Polisinin Beynəlxalq Əməkdaşlıq İdarəsinə göndərilib.
Portalın məlumatına görə, Mamıkin Rusiyada yaşayır. Onun barəsində cinayət işi 2023-cü ilin sentyabrında “Rossiya 1” telekanalında Rusiya Federasiyasının Ukraynada keçirdiyi xüsusi hərbi əməliyyatı dəstəkləyən bəyanatlardan sonra başlayıb. (Tass)