Ermənistan son dörd ildə çoxsaylı böhranların nəticələri ilə üzləşmiş və respublikanın dayanıqlı inkişafını risk altında saxlayan ölkələr sırasındadır. Bunu Ermənistanın xarici işlər naziri Ararat Mirzoyan deyib.
“Ermənistan son dörd il ərzində çoxsaylı böhranların nəticələri ilə üzləşmiş ölkələrdən biridir və Dağlıq Qarabağdakı blokada və etnik təmizləmə nəticəsində Ermənistana Qarabağdan 115 minə yaxın erməni gəlib və bütün bunlar bizim davamlı inkişafı təmin etmək səylərimizi təhlükə altına atıb”, – Mirzoyan Nyu Yorkda Dayanıqlı İnkişaf üzrə Yüksək Səviyyəli Siyasi Forumun nazirlər seqmentində deyib.
Nazir qeyd edib ki, “bütün çağırışlara baxmayaraq, Ermənistan dayanıqlı inkişaf məqsədlərinin həyata keçirilməsinə və demokratiyanın gücləndirilməsi, insan hüquqlarının və qanunun aliliyinin təmin edilməsi yolu ilə öz xalqının maraqlarına uyğun real dəyişikliklərə nail olmağa sadiqdir”.
Mirzoyan Ermənistanın 2030-cu il gündəliyini və heç kəsi geridə qoymadan “daha yaxşısını bərpa etmək” prinsipini həyata keçirmək öhdəliyini bir daha təsdiqləyib. O əlavə edib ki, qarşıdan gələn Gələcək Sammiti yaxınlaşdıqca, Ermənistan gələcəyə hesablanmış və nəticəyə yönəlmiş Gələcək üçün Paktı qəbul etməyə öz töhfəsini verməyə hazırdır. (Tass)