Qalıqları Ağdam rayonunun Xındırıstan kəndində aşkar edilən Birinci Qarabağ müharibəsində itkin düşmüş hesab olunan şəhid Zahid Baxış oğlu Nağıyevin nəşi Ağdam rayonuna gətirilib.“Report”un Qarabağ bürosunun məlumatına görə, şəhidin nəşi rayonun Evoğlu kəndində ailəsinə təhvil verilib.Hazırda kənddə şəhidlə vida mərasimi keçirilir.Qeyd edək ki, Zahid Baxış oğlu Nağıyev 1975-ci il yanvarın 1-də anadan olub. O, 1994-cü il aprelin 18-də Ağdam rayonunun Cavahirli kəndində itkin düşüb.Z.Nağıyev Evoğlu kənd qəbiristanlığında dəfn olunacaq.
