Litvanın mülki müdafiəsinin gücləndirilməsi üçün 2030-cu ilə qədər büdcədən 285 milyon avro ayrılması tələb olunur. Bu məbləğ Seymin (parlament) təsdiq etdiyi mülki müdafiənin inkişafı və gücləndirilməsi proqramında nəzərdə tutulub.
“2030-cu ilə qədər proqramın bütün fəaliyyətlərinin həyata keçirilməsi üçün maliyyə ehtiyacları təqribən 285 milyon avro təşkil edir”, – mediaya yayılan mesajda deyilir. Təxminən 103 milyon avro Avropa İttifaqı fondlarından gələcək.
Proqramın prioritetləri sırasında sığınacaqlar şəbəkəsinin, xəbərdarlıq sisteminin inkişafı, mülki müdafiə strukturlarına köməklik göstərmək üçün komandaların formalaşdırılması, təlimlərin keçirilməsi daxildir ki, bunlardan 57-si 2026-cı ilə qədər planlaşdırılır. (Tass)