İsrail hərbçilərinin Qəzza zolağında keçirdiyi əməliyyatlar nəticəsində son 24 saat ərzində azı 54 nəfər ölüb, 95 nəfər yaralanıb. Bu məlumatı anklavın Səhiyyə Nazirliyi öz Telegram kanalında təqdim edib.
Belə ki, “ötən il oktyabrın 7-dən indiyədək İsrail təcavüzünün qurbanlarının sayı 38 848 nəfərə yüksəlib, 89 495 nəfər isə yaralanıb”, – departament qeyd edir. Onun sözlərinə görə, bəzi zərərçəkənlər hələ də dağıntılar altındadır, təcili yardım və mülki müdafiə qrupları onlara çata bilmir. (Tass)