Argentina hökuməti Venesuela prezidenti Nikolas Maduronun hökumətinə qarşı Beynəlxalq Cinayət Məhkəməsinə (ICC) verilən şikayəti bir daha dəstəkləmək qərarına gəlib. Bu barədə Argentina Xarici İşlər Nazirliyi məlumat yayıb.
“Argentina bu gün BCM-yə Venesueladakı vəziyyətlə əlaqədar 2018-ci ildə verilən və ölkənin 2021-ci ildə imzasını geri götürdüyü şikayətə yenidən qoşulmaq qərarı barədə məlumat verdi”, mətndə deyilir.
2018-ci ilin sentyabrında Argentina, Kanada, Kolumbiya, Paraqvay, Peru və Çili BCM-dən Venesuelada insanlığa qarşı mümkün cinayətlər barədə araşdırma açmağı xahiş ediblər. Şikayət 2017-ci ildə ölkədə bir neçə ay davam edən etiraz dalğasından sonra verilib. Onlara səbəb Ali Məhkəmənin qərarları, dövlət başçısının səlahiyyətlərinin genişləndirilməsi və siyasi opponentlərinin nəzarətində olan parlamentin funksiyalarını məhdudlaşdırması olub. Bu müddət ərzində 120-dən çox insan həlak olub, minlərlə nümayiş iştirakçısı yaralanıb, 5 mindən çox insan həbs edilib. (Tass)