Fələstin radikallarının Qəzza zolağına bitişik İsrail ərazisində başlatdığı əməliyyat İsrail tərəfinin İslamın əsas ziyarətgahlarından birinə – Qüdsün mərkəzində yerləşən Əl-Əqsa məscidinə qarşı təcavüzkar hərəkətlərinə reaksiyadır. Bunu Fələstinin HƏMAS hərəkatının Siyasi Bürosunun rəhbəri İsmayıl Haniyə deyib.
“Bizim hərbi əməliyyatlarımız İsrailin Məscidül- Əqsaya
qarşı təcavüzünə cavab idi”, – deyə Haniyə bildirib . O əlavə edib ki, “Qəzzada başlayan basqınlar İordan çayının qərb sahilinə yayılacaq və sərhədə sıçrayacaq”.
Fələstinli HƏMAS hərəkatının nümayəndələrinin bildirdiyinə görə, bundan əvvəl fələstinli silahlı qruplar İsrailə 5 min raket atıblar. Telekanalın məlumatına görə, “onlarla silahlı fələstinli Qəzza zolağı yaxınlığında İsrail ərazisində yerləşən dörd yaşayış məntəqəsinə daxil olub”. Telekanal fələstinlilərin fikrincə, İsrail ordusunun məhv edilmiş tankı və zirehli transportyorunun göründüyü videonu göstərir.
Radikal fələstinli qrupların nümayəndələri bir neçə İsrail əsgərini əsir götürə bildikləri barədə bəyanat veriblər. Əl-Ərəbiyyə telekanalı fələstinli radikallara istinadən xəbər verir ki, “Hazırda beş İsrail əsgəri əsir götürülüb”. (Tass)