ABŞ dövlət katibi Antoni Blinken Laosun paytaxtında keçiriləcək ASEAN xarici işlər nazirlərinin görüşü çərçivəsində Rusiyanın xarici işlər naziri Sergey Lavrovla əlaqə tələb etməyi planlaşdırmır. Bu barədə jurnalistlər üçün keçirdiyi növbəti brifinqdə Dövlət Departamentinin mətbuat xidmətinin rəhbəri Metyu Miller bildirib.
Ona xatırladılıb ki, əvvəllər oxşar çoxtərəfli görüşlər zamanı Lavrov və Blinken arasında dəfələrlə ikitərəfli görüşlər keçirilib. Bununla bağlı Millerdən Amerika tərəfinin bu dəfə oxşar bir şey gözlədiyinin olub-olmamasına aydınlıq gətirmək istənilib. “Mən bunu gözləmirəm” deyə ABŞ-ın xarici siyasət rəsmisi cavab verib və sonra cavabını təkrarlayıb.
Rusiya Xarici İşlər Nazirliyinin rəsmi nümayəndəsi Mariya Zaxarovanın daha əvvəl verdiyi məlumata görə, Lavrov iyulun 26-27-də Laosun paytaxtında keçiriləcək ASEAN çərçivəsində xarici işlər orqanları rəhbərlərinin növbəti iclaslarında iştirak edəcək. Öz növbəsində ABŞ Dövlət Departamenti Blinkenin yaxın günlərdə Asiya-Sakit okean regionu ölkələrinə qastrol səfərinə gedəcəyini və bu səfər zamanı Laosa da səfər edəcəyini açıqlayıb. (Tass)