Vaşinqton administrasiyası parçalanmaya son qoymaq üçün Fələstin fraksiyalarının nümayəndələrinin Pekində imzaladığı bəyannamə ilə hələ tanış olmayıb, lakin radikal HƏMAS hərəkatının Qəzza zolağının idarə olunmasında iştirak etməməli olduğunu vurğulayır. Bunu Dövlət Departamentinin mətbuat xidmətinin rəhbəri Metyu Miller brifinqdə deyib.
“Biz hələlik Pekin Bəyannaməsi adlanan sənədin mətnini tədqiq etməmişik. Təbii ki, bunu edəcəyik. Lakin uzun aylar ərzində açıq şəkildə bildirdiyimiz kimi, HƏMAS terror təşkilatıdır. Biz bunu baş verən hadisələrdən əvvəl açıqlamışdıq. Oktyabrın 7-si”, – deyə Amerikanın xarici siyasət idarəsinin sözçüsü bildirib.
“Münaqişədən sonra Qəzza zolağının idarəçiliyinə gəlincə, terror təşkilatı bunda heç bir rol oynaya bilməz”, o əlavə edib. “Qəzza zolağının münaqişədən sonrakı idarə olunması baxımından, dediyimiz kimi, biz Fələstin Milli Administrasiyasının vahid Qəzza zolağı və İordan çayının qərb sahilinə rəhbərlik etməsini istəyirik, lakin HƏMAS-ın bunda hər hansı rolu olmasını dəstəkləmirik”, – Miller deyib.
Çin Mərkəzi Televiziyasının verdiyi məlumata görə, Çin hakimiyyəti iyulun 21-23-də Pekində Fələstinə barışıq məsləhətləşmələri üçün platforma verib. Fələstinin müxtəlif fraksiyalarının nümayəndələri arasında danışıqlar çərşənbə axşamı səhər başa çatıb. (Tass)