BMT dünya ictimaiyyətini Ermənistandakı qaçqınların ehtiyacları üçün 97 milyon dollar ayırmağa çağırıb. BMT-nin Qaçqınlar üzrə Ali Komissarlığının (UNHCR) Cenevrədəki mənzil-qərargahından bildirilib ki, humanitar plan 2024-cü ilin mart ayının sonuna qədər davam edəcək.
“BMT QAK BMT agentlikləri və tərəfdaş qeyri-hökumət təşkilatları ilə birlikdə qaçqınlara və onları Ermənistanda səxavətlə qəbul edənlərə təcili humanitar yardım və müdafiənin göstərilməsi üçün 97 milyon dollar ayırmağa çağırır”, – deyə bəyanatda bildirilir. 2024-cü ilin mart ayının sonuna qədər davam edən fövqəladə vəziyyət planı 60 tərəfdaşın, o cümlədən 43 qeyri- milli hökumət təşkilatının birgə fəaliyyətini nəzərdə tutur. Ermənistanda 136 min qaçqına və qaçqınları qəbul edən yerli icmaların 95 min sakininə dəstək verilməsi planlaşdırılır. (Tass)